女子歐聯8強次回合上演「倫敦打吡」，車路士女足主場迎戰阿仙奴女足，「車女」首回合作客輸1比3，今仗返回自己地頭，惟有豁出去搶攻，希望盡快收復失地，但防線難免曝露更多空位，令對手有機可乘，存在暗湧。睇番車路士女足近6場歐聯上半場總入球全開2球或以上嘅走勢，捧中位數1.5球嘅半場大最明智。（Now 643周四凌晨3時直播）文:Mic少

兩隊同屬女子英超前列強隊，本身實力相當接近，雖然車路士女足首回合輸波，但整體表現並唔差，該仗有14次射門，甚至比阿仙奴女足多1次，由於浪費唔少入波機會而落敗，相信吸取過教訓後，今仗應會打醒十二分精神，提升攻門命中率。其實「車女」攻力不俗，上場聯賽上半場已經轟入阿士東維拉女足3球，但後防表現始終較弱，最終僅贏4比3。換言之，「車女」近2場比賽合共失6球，其中5個失波喺上半場出現，今仗仲要焗住要壓前進攻，更難保持清白之身。

「女兵工廠」無懼駁火
至於阿仙奴女足走勢凌厲，各項賽事9連勝，單計近3仗已經入13球，攻力非常強勁，冇必要刻意求和。事實上，「女兵工廠」踢法同樣搶韁，近8場有7場上半場領先，包括首回合半場領先「車女」2球，今仗或會再次先下手為強，繼續爭取入波擴大領先優勢，令對手無力翻身，1.5球嘅半場大值博。