沙特職榜首艾納斯主場撲擊包尾艾拿積馬。兩隊實力同排名差天共地，艾納斯3分穩袋，不過佢哋近期踢法穩陣，唔會貿然冒險搶攻，上半場習性睇定嚟食，入波唔慌多，博1.5球半場細好過。

（on.cc東網周六凌晨2時直播）文:工廠仔

現時沙職爭標形勢緊湊，榜首艾納斯領先希拉爾3分，佢哋聯賽錄得12連勝，氣勢驚人。值得留意嘅係，艾納斯多數下半場先至發力，近3場賽事轟入9球，但上半場只入過1球。睇番佢哋近5次主場，4次半場開1球或以下，喺王牌C朗拿度繼續缺陣下，更加唔會輕率進攻，務求繼續穩中求勝。

艾拿積馬頭段頂得住
艾拿積馬26輪只得1勝排榜尾，不過球員未見喪失鬥志，尤其上半場精力充沛嗰陣，戰鬥力唔係想像中咁不濟。雖然聯賽錄得5連敗，但佢哋半場屢有佳作，包括作客希拉爾上半場僅輸0比1；作客另一爭標分子吉達艾阿里更曾半場領先1比0，頭段踢得有板有眼，單計近5場作客，有4次半場開1球或以下，半場細絕對可跟進。