雖然世盃休戰1日，但「早餐波」仲有巴乙玩，由邦迪比達主場迎戰基斯奧馬。邦迪比達近期輸波輸到慌晒，見到都得人驚，相反基斯奧馬頻頻報捷，聯賽已連勝3場，今仗有力反客為主，建議捧客Ｗ之餘，用埋嚟做過關變倍器亦係唔錯嘅選擇。（周四早上7時開賽）文:臻贏特

邦迪比達開咧後表現差強人意，頭16輪輸咗12場，僅得8分咁大把，只係比包尾嘅阿美利加明尼路好少少，若單計失波，佢哋狂失31粒，仲衰過阿美利加明尼路。以近10輪為例，邦迪比達只得1和9負，其中6場食白果，明顯頹勢未止，難怪淪為尾2，就算今仗主場出擊亦難反彈。

穩中求勝兼顧入球細
與邦迪比達相比，基斯奧馬嘅表現完全係「天堂與地獄」，佢哋唔單止喺聯賽位居前列，踢咗16輪僅失11粒，防守穩健，唔單止近11場未輸過，單計近6場更豪取5勝1和，包括近3仗均以1比0分別擊敗阿美利加明尼路、聖貝拿度及利斯菲體育會，可見佢哋無論對強隊抑或弱旅，都以穩中求勝為大前提，而睇番球隊近10場亦有9次開出2球或以下，相信今仗亦會照辦煮碗，除咗捧客勝之外，不妨買埋入球細，隨時中晒兩瓣。