周五日職柏雷素爾主場迎戰長崎成功丸。柏雷素爾開季兩連勝，計埋百年構想聯賽，近7場聯賽6勝1負，狀態當銳，有力爭取開季3連勝；長崎成功丸喺百年構想聯賽排西區尾二，喺日職仲有排交學費，今場柏雷素爾讓一球，捧上盤等收錢。

（周五下午6時開賽）文:邪神

柏雷素爾係日職純土炮球隊，隊中並無外援，呢類球隊勝在默契十足，避免新外援加盟後出現嘅適應同磨合期問題，季初階段特別着數。

佢哋亦係上季日職爭標集團之一，全季只輸5場，係輸波最少球隊，攻入60球，入波係第3多，最後僅落後冠軍鹿島鹿角1分屈居亞軍，今季捲土重來，開季連勝水戶蜀葵同東京綠茵，表現對路，今仗力爭3連勝冇手軟。

長崎成功丸未夠班
長崎成功丸長期喺低組別角逐，2018年曾經升上日職，但僅踢1季就降班，時隔多年再戰日職，但以球隊喺百年構想聯賽所見，喺西區聯賽共輸10場，係輸波最多球隊，明顯未夠班，今場對住日職爭標分子柏雷素爾，仲要作客，輸兩球以上唔意外，上盤放心捧。