西甲今晚安排獨腳戲，艾爾切主場迎戰西維爾。艾爾切主場表現硬淨，聯賽10戰僅曾1敗，西維爾今季表現好曳，仲有兩名主力前鋒代表尼日利亞踢非國盃未歸隊，加上球隊近期已經4連敗，今場艾爾切只小讓平半，上盤抵玩。（Now 632周二凌晨4時直播）文:臻贏特

艾爾切今季升班後成績唔錯，未計周日賽事暫時排第10位，佢哋特色係主場發揮出色，今季只係輸過畀維拉利爾，之前對皇家馬德里曾兩度領先，雖然最終被逼和，但已經清楚顯露其主場威力。

西維爾頹爆兼冇人用
西維爾今非昔比，19戰只得20分排尾5，只係同降班區相差3分，上場聯賽主場都輸畀切爾達，連盃賽在內，近4戰全部輸晒，仲要1球不入，鋒力明顯出現問題。兩名前鋒艾哥阿當斯及艾祖基早前為國出戰非國盃，今晚繼續缺陣，後防馬卡奧泰斯拿對皇馬被罰紅牌後「恐嚇」球證，最終被重判停賽6場，今場係第3場缺陣，兵微將寡下，更難有突破，艾爾切上盤值得支持。