U23亞洲盃4強大戰，今屆兩支「奇兵」越南U23同中國U23爭逐決賽資格。兩隊今屆表現令人眼前一亮，雙方從未贏過呢項賽事冠軍，為創造歷史必全力以赴。中國U23今屆防守力驚人，4場比賽1球不失，面對強勢越南U23會先求穩陣；淘汰賽雙方步步為營，預料踢法唔會太進取，1.5/2球入球細值博。（HOY 76台周二晚11時30分直播）文:臻贏特

中國U23之前5次踢決賽周，全部都喺分組賽出局，今屆殺入4強已經係歷來最佳成績，其實球隊進攻能力並唔銳利，4場比賽只係入過1球，但勝在防守效率驚人，今屆390分鐘賽事未失過波，4場比賽總入球全開1球或以下。

門將李昊表現神勇
中國U23「門神」李昊身手非凡，8強對烏茲別克U23連環撲救，兼喺互射12碼成為贏波英雄，有佢把關大門無憂，今場中國U23必定繼續以守為攻。

越南U23上場喺加時戰淘汰阿聯酋U23，演出相當對辦，佢哋喺南韓教頭金相植領導下，攻守效率甚高，同對手鬥攻毫無懼色，面對防守型球隊鬥穩陣亦唔輸蝕，分組賽就曾2比0贏約旦U23，同埋1比0贏沙特阿拉伯U23，攻守皆宜。今場去到4強階段，加上面對主守嘅中國U23，相信會採穩中求勝打法，決賽資格隨時1球定生死，入球細屬最佳選擇。