英超：雙紅狹路相逢話題十足_東方日報 -宝典体育

返回开启护眼

英超：雙紅狹路相逢話題十足_東方日報

来源：网络时间-01-25

英超聯賽本輪焦點戰將於酋長球場上演，榜首球隊阿仙奴主場迎戰上仗回勇嘅曼聯。呢場傳統「雙紅會」向來話題十足，今仗不僅關乎宿敵之爭，賽果亦有機會左右聯賽冠軍及前4席位嘅形勢。文:謝德謙

阿迪達戰術體系見成效
阿仙奴今季走勢穩定，長時間佔據榜首位置，近6場聯賽保持不敗，攻守表現同樣亮眼。數據顯示，「槍手」喺控球率、預期入球（xG）及定位球得分方面，均位於聯賽前列，反映主帥阿迪達多年打造嘅戰術體系已見成效。尤其喺角球及死球部署上，阿仙奴屢有斬獲，成為破局嘅重要武器。

曼聯換帥後即喺打吡擊敗同市死敵曼城，士氣明顯回升，不過「紅魔」今季作客表現反覆，翻查近年交鋒紀錄，阿仙奴喺英超對曼聯佔有一定優勢，若今仗再度奏捷，將可進一步鞏固榜首地位；曼聯則需把握有限機會搶分，為爭奪前4保留希望，兩強狹路相逢，勢成今輪英超最受注目的焦點戰。

上一篇: 意甲：拿玻里專打硬仗唔赦祖記_東方日報

下一篇: 英超：紐卡素飄忽讓唔起維拉_東方日報