西甲上演「馬德里打吡」，皇家馬德里主場迎戰馬德里體育會，兩軍同樣剛於上周中打入歐聯8強，士氣高昂，加上同市宿敵交鋒，必然搏盡爭勝，預料會鬥攻。參考皇馬各項賽事近7場有6場總入球開出3球或以上走勢，首選中位數2.5球嘅入球大。（Now 632周一凌晨4時直播）文:Mic少

艦隊追落後不容再失
皇馬落後榜首巴塞隆拿4分，雙方將於5月碰頭，「銀河艦隊」仍有機會反超前捧盃，前提係餘下10場聯賽不容再失，一定每場都全力以赴爭勝。事實上，皇馬近期愈戰愈勇，取得4連勝，包括歐聯16強「雙殺」曼城盡顯霸氣。最重要係首席射手基利安麥巴比已傷愈，並喺上場作客曼城一役復出，令球隊如虎添翼。皇馬季初聯賽首循環作客以2比5慘敗於馬體會腳下，今仗更加要把握地利優勢報仇挽回面子。不過，皇馬防守欠佳，近7場只有1場不失球，加上正選門將泰拔高圖爾斯受傷缺陣，令後防雪上加霜，更難保持清白之身。

至於第4位馬體會即使爭標機會渺茫，但主帥施蒙尼改變以往保守風格，採用進取戰術，經常出現大手交易，近4場有3場總入球達到5球或以上。祖利安艾華利斯、阿歷山大索洛夫都具備優秀入波能力，有本錢同皇馬駁火，可望再次合演入球騷。