今輪英超壓軸戰上演倫敦打吡，車路士作客硬撼富咸，「車仔」新帥沙比阿朗素立即要同前隊友艾比路亞正面交鋒。「沙比Sir」一向崇尚進攻，加上兩軍近年碰頭例駁火，2.5球入球大咪錯過。（Now 621周二凌晨3時直播）文:法達斯維

車路士近年最大問題係缺乏穩定性，瘋狂換帥同買人，但呢種建隊方針，令球隊一次又一次推倒重來，又點會有好成績呢。今季「車仔」搵嚟沙比阿朗素執教，呢位球員時代效力過利物浦同皇家馬德里嘅西班牙名將，前幾年能帶領利華古遜推翻拜仁慕尼黑嘅德甲王朝，就知佢有啲料到。

近年交手火花四濺
從今夏熱身賽可見，「車仔」經常有大手交易情況，6場「拍跳」共入16球，其中5次開3球或以上，例如反勝西悉尼流浪者6比4等大比數，可見「沙比Sir」崇尚進攻，何況陣中嘅高爾彭馬、祖奧柏度等進攻重心，之前冇份出戰世盃勁餓波，今仗必定猛虎出柙。

另邊廂，艾比路亞同「沙比Sir」非常有緣，除咗大家都曾經係西班牙國腳外，更加喺利物浦同皇馬做過隊友，而「沙比Sir」上季季中被「艦隊」炒魷，接替佢嘅正正係艾比路亞，可惜都係冇貨交而被解僱，因此佢今夏來到富咸，仲帶埋干沙路加西亞等皇馬舊部，大搞「西班牙化」，是好是壞仍有待驗證，但睇番佢哋近5場熱身賽都有波入，攻力唔錯。翻查紀錄，兩軍之前4次交手，有3次開3球或以上，鬥攻格局捧大盤最上算。